Perse te kerkoni pune nga shtepia

Përse të kërkoni punë jashtë vendit

Marrja e vendimit për të punuar jashtë vendit tashmë është një zgjedhje zakonshme për shumë të rinjë. Të punësuarit jashtë vendit ka shumë avantazhe sidomos nëse keni studiuar në një fushë të caktuar dhe po e gjeni të vështire për të gjetur punë.

Zhvendosja në një vend tjetër për të jetuar është krejtësisht ndryshe prej të shkuarit për pushime, të mësuarit me një jetesë krejtësisht tjetër merr kohë, mirëpo duke mësuar nga përvoja dhe duke komunikuar me të tjerët do ti mësoni të gjitha për një kohë të shkurtër.

 

Gjetja e një pune jashtë vendit të ofron përvoja të reja dhe interesante.

Ja disa arsye përse duhet të zgjidhni të punoni jashtë.

 

1. Mëso aftësi dhe zanate të reja

Pa marrë parasysh se në cilin shtet zhvendoseni, duke punuar jashtë vendi padyshim do të mësoni aftësi të reja si të komunikimit dhe shoqërimit. Pas të gjithave, të jetuarit në një vend pa e ditur gjuhën përkatëse të bën më të gjithanshëm.

 

2. Zhvillimi personal

Zhvendosja jashtë vendit për të filluar një punë të re padyshim që do të largoj ty nga zona e rehatisë. Asgjë nuk të ndihmon më shumë në zhvillimin personal se sa ndërprerja e rutinës së sigurtë dhe të rehatshme. Pa marrë parasysh nëse kjo nuk është hera e parë që udhëtoni jashtë vendit ju do të merrni përvoja të reja dhe do të mësoni gjëra që nuk I keni menduar më herët për veten si dhe për vendlindjen tuaj.

 

3. Krijimi I një karriere të suksesshme

Nëse qëndroni të përditësuar me të rejat e industrisë dhe I kushtoni vëmendje mundësive që vijnë ju mund të filloni një karrierë të suksesshme jashtë vendit, edhe nëse qëllimi juaj është që të qendroni për një kohë të shkurtër rrini të përditësuar me ndryshimet e fundit në shtetin përkatës.

 

4. Përvojë që do të ndihmoje të punësohesh

Përvoja e punës jashtë vendit ndikon shumë në pranimin në punë të tjera. Për menagjeret e punësimit përvoja e punës jashtë vendit tregon se ti ke aftësi të adaptohesh ne ambiente të reja, ke guxim të rrezikosh, flet një gjuhë të dytë etj.

 

5. Zgjerimi I lidhjeve

Të punuarit jashtë vendit është një mundësi shumë e mirë për tu shoqëruar me më shumë profesionist. Përderisa kjo është e mundur online me anë të platformave të ndryshme si Linkedin, është krejtësisht ndryshe kur shoqërohesh me njerëz në jetën reale, duke u shoqëruar me më shumë njerëz do ta kesh më të lehtë që ta përvetësosh gjuhën, dhe të familjarizohesh me vendin e ri.

 

Konkluzion

Marrja e vendimit për tu larguar nga vendlindja është vendim I vështirë, shumë njerëz nuk e përballojnë që të largohen nga familja dhe shokët, dhe të fillojnë gjithçka nga e para në një vend tjetër. Shikoni avantazhet dhe disavantazhet që ka për ju të punësuarit jashtë vendit dhe merr vendimin varësisht se si ndikon kjo në jetën tuaj.

Në fillim