Këshilla për krijimin e njoftimeve më të vlefshme

Shitja dhe blerja online më parë ka qenë shumë më pak e praktikuar kurse tani shumica e konsumatorëve preferojnë blerjen online përkundër blerjes fizike në markete dhe për këtë është e dobishme që çdo biznes të regjistrohet online. Në anën tjetër shitje online mund të bëjnë të gjithë jo vetëm bizneset e mëdha me shumë ekperience në shitje.

Ju mund të shitni çfarëdo produkti që nuk ju nevojitet në shtëpitë tuaja, dhe kjo bëhet duke krijuar njoftime online të cilat e tërheqin vëmendjen e blerësve potencial që janë të interesuar për të blerë produkte të përdorura. Por si ta bëni njoftimin tuaj të dallohet nga të tjerët si më I besueshëm dhe më I veçantë?

1. Përshkruani mirë produktin tuaj

Përshkrimi produktit është kopja që shpjegon se për çfarë është I dobishëm produkti që ju shitni. Në përshkrimin e produktit ju duhet të përfshini informata më të rëndësishmëe për konsumatorët, informata rreth benefiteve dhe karakteristikave të produktit që I ndihmojnë blerësit potencial ta heqin dyshimin për blerjen e produktit dhe ta kuptojnë që produkti ju përshtatet atyre.

Siç e kemi përmendur në blogun “Këshilla për përshkrimin e produktit”: Fokusohuni në blerësin ideal, menjanoni fjalët supreme si “më e mira’, “më I përshtatshmi”, tërheqni imagjinatën e lexuesit dhe bëjeni përshkrimin lehtë të lexueshëm.

2. Bashkëbisedoni me të interesuarit

Mos harroni të përmendni informatat kontaktuese në mënyre që të interesuarit të mund të ju kontaktojnë për çfarëdo pyetje që mund të kenë.

Njëra nga mënyrat më të mira për të komunikuar me blerës potencial është me anë të rrjeteve sociale. Ju mund ti përdorni rrjete sociale edhe për të postuar foto të produkteve që shitni e gjithashtu për të komunikuar me të interesuarit për çfarëdo pyetje që kanë, në këtë mënyrë ju e fitoni besimin e konsumatorëve tuaj dhe ata e kanë më të lehtë të blejnë nga ju.

3. Bëni foto kualitative

Për të bërë foto profesionale produkteve që shitni tanimë nuk ju nevonitet një kamerë profesionale përderisa posedoni një smartphone mesatar. Mjafton që të jeni kreativ dhe të kujdesshëm me fotografimin e produktit që dëshironi të shitni.

Kur dëshironi ti fotografoni produktet tuaja sigurohuni që mos të ketë diçka në prapavijë që mund të tërheq vëmendjen nga produkti që shitni, fotografoni në një hapësirë ku ka më shumë dritë natyrale (afër dritareve) dhe paraqitni këndvshtrime të ndryshme.

4. Postoni njoftimet tuaja

Pasi keni vendosur se çfarë produkti dëshironi të shitni krijoni njoftimet në Merrjep.al dhe zgjeroni bazën e konsumatorëve tuaj duke I shpërndarë njoftimet në mesin e 1.5 milionë vizitorëve në muaj. Nëse dëshironi të krijoni brendin tuaj krijoni shitore  tuaj online dhe bëji të mundur konsumatorëve ti njohin njoftimet e brendit tuaj.