Çfarë është më e rëndësishme kur bleni një makinë: kilometrazhi apo viti i prodhimit?

Çfarë është më e rëndësishme kur bleni një makinë: kilometrazhi apo viti i prodhimit?

Kilometrazhi apo viti i prodhimit? Kur jeni duke kërkuar për një makinë të përdorur, shancet janë që kjo pyetje t’ju lindi shpesh. Për shumë blerës potencial këto janë vetëm dy prej faktorëve më të rëndësishëm që duhen konsideruar kur blini një makinë të përdorur. Por sa shumë ndikim kanë këto faktor në gjendjen e përgjithshme të makinës? Cili prej tyre është më i rëndësishëm?

Pse është i rëndësishëm kilometrazhi? 

Kilometrazhi i një makine tregon numrin e kilometrave që ka bërë një makinë. Për ta thënë më thjeshtë, kilometrazhi ka rëndësi pasi i jep informacion blerësit të ri për “jetën e mëparshme” të makinës së përdorur. Në shumicën e rasteve sa më shumë kilometra që një makinë e përdorur ka, aq më shumë janë mundësitë që të këtë probleme të tjera. 

Por gjithsesi, një numër kilometrash shumë i madh nuk tregon gjithmonë një gjendje makine më të keqe se sa një makinë që e ka kilometrazhin më të ulët. Kilometrazhi është thjesht një faktor më shumë që ndikon në gjendjen e një makinë. Kur jeni duke kërkuar për të blerë një makinë duhet që të kontrolloni dhe faktorët e tjerë që do t’i listojmë më poshtë. Prandaj nëse jeni duke kërkuar për makina të përdorura te lira atëhere mund t’i hidhni një sy dhe njoftimeve të MerrJep.al

Terreni dhe përdorimi 

Çfarë rrugësh ndiqnin pronarët e mëparshëm me makinën dhe sa shpesh e përdornin atë? Edhe në qoftë se dy modele të ngjashme tregojnë numër të njejtë kilometrash, një makinë që ka bërë më shumë rrugë në qytet do të jetë në gjendje më të mirë se sa një automjet që ka ecur në rrugë të këqija dhe me baltë. Jo vetëm lloji i rrugëve që kanë bërë makinat ndikon në motorrin e tyre. Në fakt rruget e qyteteve të mëdha me trafik ndikojnë më keq në motorrin e makinave se sa makina që kanë bërë rrugë të gjata në autostradë. 

Kini kujdes nga çdokush që tenton të shesi një makinë me pak kilometra por shumë të vjetër. Është e vertetë që sa më shumë t’i japësh një makine aq më shumë ka mundësi që pjesët e këmbimit të saj të prishen dhe të pësojnë defekte, por e kunderta jo domosdoshmërisht mund të jetë e vertetë për një makinë. Mbajtja e një makinë për një kohë të gjatë pa përdorur mund të çoj në ndryshkje të pjesëve të saj dhe korrozion në motorr, por edhe renie të gomave të makinës. Këto mund t’ja ulin vlerën shumë një makinë të vjetër.

Mirëmbajtja dhe riparimet

Mirëmbajtja konstante është po aq e rendësishme sa edhe kilometrat që ka makina.
Sigurohuni që pronari i mëparshëm ishte shumë i kujdesshëm në mirëmbajtjen e makinës dhe i bënte sherbime si: ndërrmi i vajit, mirëmbajtjen e gomave apo dhe zëvendësimin e baterisë - është shumë e rendësishme që ata të kenë qënë konstant dhe ti kenë bërë kontrollet rutine makinës. Zakonisht një makinë e vjetër duhet të kontrollohet për defekte pas 5,000, 10,000, 20,000, 25,000, 50,000, 70,000, 90,0000, dhe 160,000 kilometrash.

Mos bini dakort të blini makina të lira, më kilometrazh të ulët të cilat më siguri kanë nevojë për riparime të shpeshta. Në qoftë se pronari i mëparshem i makinës nuk ka mundur të gjej një zgjidhje afatgjatë për problemin atëhere më shumë mundësi as ju nuk do të mund të gjeni, duke ju lenë kështu një makinë të vjetër që ju zë vend në garazh.

Këshillë: Kërkoni për numrin e identifikimit të automjetit - është njësoj sikur të kërkoni për shenjat e gishtërinjëve të makinës. Ky numër identifikimi do ju japi mundësin të shikoni një raport mbi historinë e automjetit. Raporti përfshin një përshkrim të përgjithshëm të historisë se makinës, duke filluar nga aksidente që mund të ketë bërë, pronarin ekzistues, ndryshme të targave deri tek ndonjë problem sigurie që mund të këtë pasur ky model makine.

Si ndikojnë vitet tek një makinë? 

Njësoj si kilometrazhi që ka një makinë,”mosha” e saj mund të tregojë shume mbi gjëndjen e saj të përgjithshme por nuk duhet të jetë një indikator kyc që tregon nëse ja vlen ta blesh apo jo.

Vjetërsia ndikon në një automjet në disa mënyra. Si fillim një makinë e vjetër ka më shumë mundësi që të prishet se sa një që është pak më e re, thjeshtë sepse me kalimin e kohes ndodh dhe ekspozimit ndaj elementëve të ndryshme që con në prishje të pjesëve të makinës. Ndryshku, korozioni madje dhe mbledhja e pluhrit dhe mykut në një makinë të përdorur mund të ndikojnë në përformancën e saj.

Blerja e një makinë me të vjetër do të thotë dhe sakrikimin e disa opsioneve të caktuara duke filluar nga përmirësimet e sigurisë që gjendet tek modelet e reja dhe deri tëk mënyrat e sofistikuara për të kontrolluar automjetin. Një model më i ri i po të njëjtës makinë mund të jetë edhe më ekonomik se sa paraardhësit e tij.

Viti i prodhimit të një makinë luan një rol thelbësor në cmimin e saj. Çmimi i makinave bie shpejtë. Në fakt, një makine të re i bie cmimi në minutën e parë që largohet nga dyqani. Për një vit makina mund të humbasi 20-30 përqind të vlerës origjinale. Për 5 vite cmimin i një makinë mund të ulet rreth 60 përqind të vlerës fillestare.

Si të zgjidhni makinën tuaj? 

Sic e përmendëm dhe më sipër, një makinë humb rreth 60 përqind të vlerës së saj fillestar 5 vitet e para. Duke pasur ndërmend këtë gjë kuptojmë së është më mirë që të blini një makinë që është maksimumi 5 vjeç, dhe ka mesatarisht rreth 40000 kilometra. Mbas 5 vitesh nga blerja makinës i mbaron dhe garancia që do të thotë do të paguani ekstra për riparimet dhe mirëmbajtjen e saj.

Me blerjen e një makine të vjetër por edhe makinë të përdorur mund të merrni një cmim më të mirë por kini kujdes, mos blini një makinë që është shumë e vjetër. Me kalimin e viteve, makinës tuaj do t'i bie çmimi aq sa nuk do të ketë më asnjë vlerë, duke e bërë me të vështirë për ta shitur në të ardhmen.

To the top

Our website uses Cookies. By clicking "I Agree"or by keeping the use of the website, you agree to use the cookies. If you don't agree, you can change your bowser's search settings.

More information