Trusted seller

AK GROUP

We are here for you

Ak Group është një kompani private që operon në fushën e ndërtimit. Themeluar në vitin 1998 dhe e quajtur fillimisht ALB-KOS Construction, Ak Group nisi rrugëtimin e saj si kontraktor i përgjithshëm për ndërtimet në zonën e Durrësit.

Me mbi 19 vite përvojë në industri, kompania u rrit me shpejtësi nga një firmë e vogël në një nga kontraktorët kryesorë në vend. Aktiviteti ynë ka përfshirë punën në shumë projekte rezidenciale, hotele, apartamente dhe hapësira me përdorim të përgjithshëm, kryesisht në zonat e Durrësit, Golemit dhe Kavajës.

Në vitin 2012, Ak Group zgjeroi aktivitetin e saj në Astana, Kazakistan, duke implementuar shërbimet e veta për herë të parë në një treg ndërkombëtar. Në vitin 2018, kompania filloi të punojë si kontraktor i përgjithshëm në projekte të ndryshme në Malin e Zi.

Ekipi ynë përfaqësohet nga profesionistë të drejtuar nga pasioni, entuziazmi dhe integriteti. Projektet tona janë të ndryshme dhe numërojnë Central Point në Malin e Zi, komplekse në zonën e Qerretit, Apollonia, Premium Beach Hotel si dhe projekti prestigjioz në zhvillimin e "Abu Dhabi Plaza" i cili kur të përfundojë do të jetë ndërtesa më e lartë në Azinë Qëndrore.

AK Group synon të jetë një ndër firmat më me përvojë dhe me serioze në fushën e ndërtimit në Shqipëri dhe në gjithë Ballkanin Perëndimor. Ne përpiqemi të krijojmë vazhdimisht marrëdhënie të qëndrueshme biznesi me klientët tanë dhe i kushtojmë rëndësi të veçantë nevojave të tyre.

Ne përdorim gjithnjë mënyra efikase dhe gjejmë gjithmonë zgjidhjet më të mira për klientët tanë, duke i zbatuar me rigorozitet kërkesat tuaja dhe duke dhënë rezultate të shkelqyera në projektet që marrim përsipër.

AK Group ndërthur eksperiencën ndër vite me aftësitë e specialistëve tanë dhe me teknikat më të fundit të projektimit dhe ndërtimit për të prodhuar struktura cilësore dhe të sigurta, që i rezistojnë kohës.