7 Gjëra që duhet ti kushtoni vëmendje kur zgjedhni një apartament

 

Apartamenti perfekt nuk ekziston – çdoherë ka të meta të vogla dhe të mëdha. Pavarësisht kësaj, është më mirë ti dini ato para se të bleni apo të merrni me qera apartamentin tuaj.

Nëse apartamenti për të cilin jeni të interesuar është në një ndërtesë të vjetër, gjëja më e rëndësishme është të vlerësohet gjendja e gjërave të dobishme.

1. Kontrolloni shtypjen e ujit: Në ndërtesat e vjetra, shtypja e ujit mund të reduktohet për shkak të gypave të vjetëruar. Nëse gypat janë të vjetëruar ju duhet ti pyesni banorët nëse kanë konsideruar ti zëvendsojnë ato. Gjithashtu ja vlen të kontrollohet se si llogaritet konsumimi I ujit.

2. Kontrolloni nëse radiatorët nxehen në mënyrë të barabartë: Nëse jeni duke kërkuar një apartament në dimër, rekomandohet që të kontrolloni nxerjen e radiatorëve. Nëse radiatorët nxejnë në mënyrë jo të barabartë, do të thotë që ka probleme me sistemin e radiatorëve, siç janë radiatorët e zëvendësuar gabimisht, ose vendosja e pajisjeve shtesë të nxerjes.

Nëse jeni duke planifikuar për të blerë ose marrë me qera një apartament të vjetër, është ide e mirë që gjithashtu ti pyetni pronarët e tanishëm për të ju siguruar fatura të mëhershme të radiatorëve për të shikuar se sa energji është shpenzuar për të nxerë apartamentin.

3. Kontrolloj me kujdes muret e apartamentit: Njollat e ujit që ndodhen nëpër mure mund të jenë një shenjë tjetër e gypave të vjetëruar të ujit, ujërave të zeza ose gypave të nxerjes, dhe kjo kushton shumë për tu rregulluar. Nëse vëreni shenja të tilla, duhet të konsultoheni me mirëmbajtësit e ndërtesës për të vlerësuar situatën.

4. Pyesni për rrethanat e riparimeve të reja: Nëse vëreni riparime të reja në apartament, gjeni arsyen përse janë bëre, dhe çfarë materiale janë përdorur.Ndoshta tavani I ri e mbulon të vjetrin që është çdoherë I lagur, ose pikturat e reja e fshehin te çarat në mure!

5. Vlerësoje gjendjen e hapësirave të përbashkëta: Gjendja e shkallëve, bodrumit ose garazhave nëntoksore, e shfaq qëndrimin e pronarit ndaj hapësirave të përbashkëta të banorëve, dhe mundësine e tyre për të zgjidhur problemet e përbashkëta.

Nëse këto hapësira janë jo të rregullta, ka shumë të ngjarë që në rast të ndonjë problem më serioz, mirëmbajtësit do të jenë të ngadalshëm në zgjidhjen problemeve të hapsirave të përbashkëta.

6. Kontrolloni se sa vonohet uji I nxehtë të arrijë në apartament: Nëse I duhet shumë kohë ujit të nxehtë që të arrijë deri tek apartamenti juaj, ka mundësi që gypat e ujit të jenë vendosur gabimisht. Sistemi qarkor I gypave të ujit të nxehtë mund të jetë I dizajnuar keq. Mbajeni mend që në këtë kohë gjersa uji I nxehtë të arrijë në rubinetin tuaj, edhe nëse nga rubinet del ujë I ftohët ju paguani sikurse për ujë të nxehtë.

7. Kontrollo bodrumin: Kjo do të mundësojë që të analizosh më shumë kualitetin e ndërtimit dhe gjendjen e ndërtesës, nëse ka të çara në mure kjo mund të jetë një shenjë që themelet nuk janë të barabarta për këtë arsye këto të çara mund të arrijnë edhe në muret lartë ndertesës.

Konkluzion

Pasi të kaloni shumë kohë në apartament me qera ju do të kuptoni se duhet të ndaloni duke hedhur para në qera, dhe që është koha të bleni një shtëpi ose apartament.

  • Vendosni për hapësiren ku do të bleni apartamentin, bëni kërkime dhe vizitojeni vetë atë hapësire para se të bleni apartamentin ose shtëpinë.

  • Sigurohuni që jeni duke marrë vlerën e duhur në shkëmbim me paratë tuaja. Bisedoni me agjentë të patundshmërive dhe kontrolloni shitjet e fundit në atë hapësirë.

Në fillim