Si te shkruani nje njoftim pune per te terhequr kandidatet e duhur

Si të shkruani një njoftim pune për të tërhequr kandidatët e duhur

 

Shpërndarja e njoftimit për konkursin e punës është hapi themelor I procesit të punësimit. Pavarësisht se sa e mirë është mundësia dhe sa shumë përfitime kanë ata që punësohen në kompaninë tuaj, nëse nuk mund ti tregoni kandidatëve se ja vlen të aplikojnë për punë në kompaninë tuaj ju nuk do të merrni aplikantët e nevojshëm.

Vetëm në Merrjep.al janë mbi 8.000 njoftime për punë, tanimë ka shumë konkurse të shpallura për punë dhe që të tërhiqni kandidatët e duhur ju duhet të kujdeseni që njoftimi juaj të veçohet nga të tjerët.

Pra për të gjetur kandidatët e duhur, njoftimi juaj duhet të veçohet nga të tjerët në webfaqe me një përshkrim të unik, në vijim janë disa këshilla për këtë.

 

1. Shkruaj një titull informativ dhe tërheqës

Është e rëndësishme që të shkruani një titull që informon kandidatin për mundësinë, duhet të konsideroni se në këtë rast ju jeni duke e shitur vetëveten në mënyre që kandidatët të bëjne të njëjten për ju.

Titujt më të thjesht të punës japin rezultate më të mira se sa titujt më kreativ, ju duhet të spjegoni llojin e punës me fjalë që të gjithë kandidatët i kuptojnë pra me fjalë të thjeshta.

 

2. Kujdesuni për përshkrimin

Nëse njoftimi juaj ka një përshkrim mesatarisht si njoftimet tjera nuk është çudi nëse edhe kandidatët që aplikojnë janë mesatarë. Krijoni një njoftim me një përshkrim të lehtë për tu lexuar nuk rekomandohet të shkruhet shumë tekst mirëpo nëse ju duhet ta përshkruani mirë punën bëni shumë paragrafe në mënyrë që mos të duket e lodhshme për kandidatët që ta lexojnë njoftimin.

Mënyra e të shkruarit në njoftimin tuaj tregon shumë për tipin e kandidatëve që dëshironi të tërhiqni. Çdoherë drejtojuni direkt kandidatit tuaj në përshkrim në mënyre që ata të mund ta paraftyrohnë vetëveten duke bërë punën për të cilën po aplikojnë.

 

3. Prezentoni biznesin tuaj

Njerëzit marrin vendim për të blerë diçka të shtyrë nga emocionet, pastaj e përdorin logjikën për të arsyetuar blerjen e tyre. Nuk ka shumë dallim edhe kur aplikojnë për punë në një kompani, prandaj kandidatët janë të interesuar të dijnë misionin dhe historinë e kompanisë tuaj, që të ju besojnë me letë juve. Përshkruajeni shkurtimisht historinë e kompanisë tuaj dhe qëllimet tuaja.

 

4. Përfshini edhe pagën

Shumica e njerëzve që janë në kërkim për punë hezitojnë të I besojnë një kompanie e cila nuk përfshin informata rreth pagës, prandaj sigurohuni që të përmendni pagën në njoftimin tuaj edhe nëse ajo nuk është e shumë e lartë. Në këtë mënyre ju menjanoni problem si humba e kohës me kandidatë që nuk kanë arritur nivelin dhe aftësite për pagën që ju jepni, ose me kandidatë që e kanë kaluar atë nivel të pagës.

 

 Mbani mend gjërat bazike të njoftimit për punë:

- Titulli I punës

- Përshkrimi I punës

- Lokacioni

- Paga

- Emri I kompanisë

- Aftësitë kryesore

- Thirrje për veprim (p.sh “aplikoni tani”)

- Informata konaktuese.

Në fillim