Si të përdorni psikologjinë e ngjyrave në mobilimin e shtëpisë tuaj

Si të përdorni psikologjinë e ngjyrave në mobilimin e shtëpisë tuaj

Çdokush e ka provuar ndjesinë e të shkuarit të zyra e doktorit duke u friksuar nga pllakat e bardha të dyshemes, karriket e parehatshme dhe pikturat e vjetra nëpër mure. Nuk është thjesht frika nga takimi me mjekun por mund të jetë dhe arredimi që po ju jep ndjenjën e ankthit akoma dhe me shumë. Nga ana tjetër, ju ndiheni ndryshe për librarinë tuaj të preferuar, me dyshemet e ngrohta prej drurit, karriket e rehatshme, vitrinat e librave apo dritaret e mëdha plot dritë.

Nuk ka rendësi nëse bëhet fjalë për kafenen tuaj të preferuar, zyrën apo shtëpinë tuaj, psikologjia e ngjyrave në arredimin e tyre do të na ndikojë sa herë qëndrojmë në një hapsirë të caktuar, edhe pa e kuptuar. Kjo është dhe arsyeja se pse është kaq vitale puna e arkitektit - si mund të pushoj dikush në shtëpinë e tij në fundjavë nëse shtëpia është e mobiluar keq? Si mund të jetë produktiv stafi juaj për të bërë një punë sa më të mirë dhe të qëndrojnë pozitivë në qoftë se zyra e tyre është një vend i zymtë dhe mbytës? Dhe sigurisht, mobilimi ka një rol shumë të rendësishëm dhe tëk shitjet në një biznes. Kur dilni për dark jashtë në një restorant faktori i parë që konsideroni është ushqimi por ka shumë mundësi që dikush të vi për dark për herë të dytë apo të tretë në qoftë se atyre i ka pëlqyer dhe dizajni.

Kur mendojmë për procedurën e arredimit, duhet të reflektojmë në dy çështje: funksionalitetin dhe estetikën. Diku aty në mes përfshihet dhe psikologjia e ngjyrave. Kur arkitektet marrin përsiper një projekt, ata mendojnë se si duan që të ndihen njerëzit në këtë hapsirë. Teksa ngjyra rozë dhe vjollcë mund të përshtatet shumë mirë në një ambjent parashkollori, parukerie apo një butiku, nuk mund të ndodhi kështu me urgjencën e një spitali. 

Çfarë është psikologjia e ngjyrave? 

Psikologjia e ngjyrave është një teori që tregon se si çdo ngjyrë ndikon në gjendjen shpirtërore të një personi, kreativitetin dhe produktivitetin. Kur një person është i rrethuar nga nuanca qetësuese si blu ose jeshile, ata ndihen të relaksuar. Ndërsa, nëse një person është i rrethuar nga tone të forta të gjalla si të kuqe, ngjyrë gështenjë ose portokalli, ata ndihen energjikë dhe pasionantë. Në mënyrë të ngjashme, ngjyrat neutrale si e bardha ose gri i bëjnë ata të ndjehen të qetë.

Psikologjia e ngjyrave bazohet në efektin shkencor të nuancave të ndryshme të secilës ngjyrë të spektrit, në trurin e njeriut. Edhe pse efektet e ngjyrave mund të duken të ngjashme, studimet tregojnë se secili individ i përgjigjet ndryshe skemave të ngjyrave.

Me siguri e  keni venë re se si ndonjëherë ndiheni më të relaksuar pasi shpenzoni kohë në një dhomë me ngjyra neutrale, të lehta? Ose të ndiheni plot me energji kur jeni në një dhomë me ngjyra të ndezura? Ajo çfarë ndodh quhet ndryshe psikologji e ngjyrave, ose ndryshe lidhja midis emocioneve tona dhe ngjyrave, që bën një impakt të madh në mobilimin e shtëpisë.

Psikologjia e ngjyrave është një armë shumë e fuqishme që arkitektet kanë që ndikon në humorin tonë. Nuanca të ndryshme sjellin emocione të ndryshme, kështu që, kur të zgjidhni ngjyrat e shtëpisë tuaj, konsideroni se çfarë atmosfere doni të krijoni dhe cilat ngjyra do ju ndihmojnë ta arrini. 

Le të shohim disa ngjyra dhe si arrijnë të ndikojnë ato. 

E KUQE - Ngjyra më intensive, e kuqja rrit energjinë në një dhomë dhe rrit adrenalinën. Ambice, veprim dhe vullent janë të gjitha kualtite të kësaj ngjyre, prandaj e kuqja është një ngjyrë e shkëlqyer për tu përdorur në zyrën tuaj në shtëpi apo hapsira të tjera kreative. Ndërsa në sallonet e ndenjes, e kuqja stimulon biseda dhe afron njerëzit .

E VERDHA - Ngjyra e verdhë kap ngrohtësinë e diellit dhe ngjall pozitivitet. Kjo ngjyrë është zgjedhje e shkëlqyer për kuzhinat, dhomat e ngrenies dhe tualetet, ku të jep energji dhe është mikëpritëse. Qëndroni tek nuancat e floririt dhe ndriçoni cepat e errë e të shtëpisë tuaj duke krijuar kështu një ndjesi drite dhe hapsire.

BLU - Një nga ngjyrat më të forta të spektrit të psikologjisë së ngjyrave, ngjyra blu besohet se ul presionin e gjakut, rregullon frymëmarrjen e ngadaltë dhe rrahjet e zemrës. Nuancat më të forta dhe të errta të blusë janë efektive në krijimin e konfidencës dhe janë të lidhurra ngushtë më cilësi të tilla si: besnikeria, besueshmëria, paqja dhe suksesi. Duke qënë se konsiderohet si një ngjyrë që sjell qetësi, këshillohet shpesh që të përdoret tek dhomat e gjumit dhe tualetet.

JESHILE - Duke kombinuar cilësinë gjallëruese të blusë dhe optimizimin e të verdhës, jeshilja është një ngjyrë e përshtatëshme për çdo dhomë të shtëpisë. Kjo ngjyrë stimulon ndjesi të balancimit, rritjes dhe pushimit në psikologjinë e ngjyrave. Të sjell në mendje direkte natyren, dhe nxit çlodhjen por ka mjaftueshëm ngrohtësi që të japi ndjesinë e komfortit.

VJOLLCA - Kjo ngjyrë është e lidhur më shumë emocione të thella pozitive dhe me kreativetin, fantazinë dhe fisnikërinë. Në dukje është shumë mbretërore dhe të jep përshtypjen e luksit, që rrit dhe prezencën. Konsiderojeni që ta përdorni në garderobë për efekt maksimal ose në korridore për t’i impresionuar të ftuarit sapo të hyjnë. 

NEUTRALET - Ngjyrat si e zeza, grija, e bardha dhe kafja janë kryesoret në paletën e një arkitekti. Ato i bën shumë të vlefshme fakti që janë shumë fleksibël, pra mund të shtoni vazhdimisht ngjyra të tjera pa dal nga estetika e arkitektit. Grija është një nga ngjyrat me fleksibël pasi mund të jetë edhe ngjyrë e ngrohtë edhe e ftohtë, dhe ngjall ndjenja qetësie dhe sigurie. Neutraliteti i të zezës të jep një ndjesi sikur jeni i sigurt nga dështimet dhe krijon një elegancë që rezulton në fuqi, dramë dhe mister. 

Nësë jeni duke menduar për të arreduar shtëpinë tuaj apo mjedisin se ku ju punoni atëherë ju këshillojmë të bëni mendoni si fillim se si dëshironi që të ndiheni në atë hapsirë se ku do të qendroni, të bëni një studim të mirë përsa i përket ngjyrave që do të përdorni në atë ambient. Teksa ky mund të jetë një proces i gjatë ju mund të kërkoni në faqen tonë të web-it MerrJep.al për të parë një listë me biznese që mund t’ju ndihmojnë në krijmin e atmosferes perfekte për hapsirën tuaj. Një tjetër mënyrë është të kërkoni ambiente të gatshme që mund të përcjellin të njejtën energji që ju po kërkoni, për këtë mund të shihni në njoftimet e ndryshme që postohen çdo ditë në MerrJep.al nga kompanitë real estate. 

To the top

Our website uses Cookies. By clicking "I Agree"or by keeping the use of the website, you agree to use the cookies. If you don't agree, you can change your bowser's search settings.

More information