Rinovimi i shtëpisë: Hapat që duhet të ndiqni

Rinovimi i shtëpisë: Hapat që duhet të ndiqni

Keni blerë një shtëpi që ka nevojë për rinovim? Apo ndoshta doni të përmirësoni shtepinë ekzistuese tuajen? Cilado që të jetë arsyeja, duhet të dini se si funksion rinovimi i shtëpisë. 

Rinovimi i një prone mund të jetë i vështirë. Shpesh herë, pronarët e shtëpisë e kanë shumë vështirë të fillojnë me një projekt për rinovimin e shtëpisë. Lexoni këshillat për të pasur një proces rinovimi sa me të lehtë.

Çfarë rregulli duhet të ndiqni për rinovimin e një shtëpie 

Duhet të kuptoni se cilat aspekte të një ndërtese duhet të përmirësohen. Plus, do ju duhet të vendosni dhe rregullin që do të bëhen punimet. Eshtë e rëndësishme që kur të projektoni punimet e shtëpisë të merrni në konsideratë çdo detaj.

Krijoni një list punësh

Eshtë me e lehtë të rregulloni shtepinë kur keni një plan në mendje. Analizoni shtëpitë e tjera të rinovuara në zonën tuaj dhe përpiquni të zbuloni se cilat gjëra në ndërtesën tuaj duhet të ndryshohen.

Bëni ndryshime në listën tuaj

Pasi të këni bërë listën e punëve, mos filloni direkte me punimet. Merrni kohën tuaj për të vendosur. Më pas bëni ndryshimet në listën tuaj. Ju sugjerojmë që ti ndani punët në kategori të ndryshme për të berë punën tuaj dhe më të lehtë.

Vendosni prioritete 

Çdo punë në listën tuaj duhet të këtë një prioritet. Analizoni rëndësinë e punëve dhe vendosini prioritetet. Në këtë mënyrë do të shihni se kur dhe çfarë  duhet të bëni. Qartazi duhet të filloni më punët më urgjente.

Punësoni kompani të besueshme

Hapi i rradhës që duhet të bëni është të punësoni një kompani të besueshme për rinovimin e shtëpisë tuaj. Tashmë kompanitë që merren me interior design ne Shqipëri janë shtuar kështu procesi i gjetjes së një kompanie nuk do të jetë një proces shumë i vështirë por thjesht i gjatë deri sa të gjeni kompaninë që ju i besoni. 

Gjëja e parë që duhet të bëni kur të filloni të rinovoni shtepinë

E gjitha fillon me përgatitjen. Gjëja e parë që duhet të bëni është që ta bëni pronën tuaj gati për rinovime brenda dhe jashtë. Gjithashtu, leje pune mund të kërkohet për disa lloje të rinovimeve.

Eshtë një ide e mirë të filloni një projekt rimodelimi pasi të bëni inspektimin. Gjatë inspektimit, arkitektët apo inxhinieret do të kontrollojnë të gjithë shtepinë me kujdes duke përfshirë papafingon, katin përdhe, muret, dritaret dhe dyert, çatinë, ulluqet, sistemin hidraulik, ngrohjen qendrore, kopshtin, etj.

Pasi të keni ekzaminuar ndërtesën tuaj si dhe nevojat për rinovimin e shtëpisë tuaj, një profesionist do t'ju këshillojë mbi një zgjidhje të përshtatshme. Në varësi të situatës, mund t'ju duhet të rregulloni gjëra të tjera edhe pastaj të vazhdoni më planin. Kini kujdes që të kontrolloni dhe strukturen e shtëpisë pasi mund të këtë çarje dhe është e rëndësishme që të rregullohen.

Largoni lagështinë

Lagështira në shtëpi është një problem shumë serioz prandaj ju do të humbni kohën dhe paratë tuaja për rinovimin e shtëpisë nëse nuk rregulloni si fillim problemin e lagështise. Gjithashtu dhe rrjedhja e ujit mund të shkaktojë një dëm të madh në shtepinë tuaj. Dhe sigurisht, ju duhet të bëni gjithçka që është e mundur për të parandaluar që të ndodhin gjëra të tilla. Pra, duhet të përpiqeni të zbuloni të gjitha vendet se ku rrjedh në shtepinë tuaj dhe të bëni të gjitha riparimet e nevojshme paraprakisht.

Çfarë rinovimesh ja vlen të bëni si fillim

Ju duhet të përmirësoni pamjen e shtëpisë tuaj para se të filloni të punoni në brendësi. Nëse keni shtëpi private filloni me ndryshimin e çatisë, papafingos, dyerve dhe dritareve, rregulloni kopshtin, shtoni ambientet per tu relaksuar. Një tjetër gjë që nuk duhet ta neglizhoni është gjithashtu përditësimi i rrjetit elektrik të shtëpisë. Sigurohuni që kabujt elektrik, prizat, çelësat, ndriçimi të jetë në rregull. Në qoftë se diçka nuk është në rregull duhet ta zëvendësoni. Punësoni një elektricist për të bërë të gjitha ndryshimet e nevojshme. 

Një tjetër gjë që duhet të rregulloni patjetër në shtëpi është gjithashtu edhe rrjeti hidraulik. Kontrolloni në qoftë se tubat janë në gjendje të mirë, nëse jo duhet ti ndërroni ato. Tubat e vjetër mund të jenë të ndryshkur ose të çarë dhe kjo mund të ndikojë në cilësinë e ujit që merrni në shtëpi. 

Mbasi të keni mbaruar më sistemin elektrik dhe sistemin hidraulik në shtepinë tuaj, hapi tjetër është rregulli dhe zëvendësimi i dyshemesë. Kjo është dicka shumë e rendësishme pasi ndryshon komplet pamjen e shtëpisë tuaj. Sigurohuni ta ndërroni dyshemenë në të gjitha dhomat e shtëpisë tuaj. Përdorni pllaka në kuzhine dhe në tualet, shtroni një qilim në sallonin e ndenjes, ndërsa dhomat e tjera të shtëpisë me parket. Ndërrimi i dyshemes do ti japi një pamje tjetër shtëpisë tuaj. 

Ridekoroni shtepinë tuaj

Kur filloni me rimodelimin e një shtëpie, tavani dhe muret janë gjëja e parë që duhen ridekoruar. Tualeti dhe kuzhina janë dhomat e para që duhen rregulluar. Mund të lyeni muret, bëni piktura apo dekorime të tjera. 

Diçka tjetër që mund të shtoni në shtepinë tuaj është dhe një oxhak. Tashmë shumë njërëz po vendosin oxhaqe në shtëpi pasi japin një ndjesi shumë të mirë. 

Në qoftë se tualeti juaj nuk është rinovuar për një kohë të gjatë, konsideroni të ndërroni lavamanin, dollapet, lavatricen etj.

Rimodelimi i kuzhines mund të jetë ndoshta pjesa më e vështirë e ridekorimit të shtëpisë, dhe më i kushtueshmi. Filloni me blerjen e elektroshtëpiakesë dhe me pas me pjesen e mobiljeve. Ju këshillojmë në varësi të ambientit që keni të konsideroni vendosjen e një ishulli kuzhine dh dy stola. Përvec se do ti japi pamje të re shtëpisë tuaj, është dhe shumë praktik.

Dhe në qoftë se pyetja që ju lind është se me cilën dhomë duhet të filloni ridekorimin, përgjigja është goxha e lehtë. Filloni më dhomë e cila ndodhet më larg hyrjes së shtëpisë pasi në këtë mënyrë nuk do të keni nevoj të kaloni vazhdimisht aty dhe të rrezikoni të prishini ndonjë nga mobiljet e reja apo aq me keq parketin. 

Në fillim

Uebfaqja jonë përdor Cookies për të përmirësuar eksperiencën tuaj në shfletimin e faqes. Duke klikuar "Unë pajtohem" ose duke vazhduar me përdorimin e uebfaqes, ju pajtoheni me përdorimin e Cookies. Nëse ju nuk pajtoheni, ju mund t'i ndryshoni parametrat e kërkimit në shfletuesin tuaj.

Më shumë informacione