Trendet e arredimit të shtëpive për stinën e verë 2021 

Ka diçka shumë të bukur për sa i përket dekorit të stinës së verës. Copat e lehta, ngjyrat, fibrat natyrale dhe stili boho që shoqerohet me këtë stinë, të sjell rrezet e diellit në shtëpi. Edhe pse mund të duket se  ky stil është thjesht sezonal, ka disa mënyra se si mund të inkorporoni trendet e dizajneve te verës me një dekor që do t’ju zgjasi gjithë vitin.

1.Ngjyra blu 

Ngjyra e qiellit të verës dhe detit, në qoftë se vera do të kishtë një ngjyrë ajo do të ishtë blu. Prandaj nuk habitemi që arkitektet kanë votuar këtë ngjyrë si ngjyra e vitit 2021. Ju rekomandojmë të përdorni blu të ndezura në muret e sallonit të ndenjes, provoni të shtoni materiale lino në ngjyrë blu të lehtë ose shtoni dekore të tjera në ngjyrë të bardhë, për t’ju dhënë ndjesinë sikur ndodheni në Greqi.

Në qoftë se stili juaj është minimalist, disa dekore ngjyrë blu të vendosura nëpër shtëpi mund të shtojnë ndjesinë e verës pak më shumë në shtëpinë tuaj, dhe t’ju kujtojnë qiejt e kthjellet të verës.

2.Mënyra minimaliste 

Kjo nuk është hera e parë që minimalizmi është paraqitur si një trend arredimi dhe sigurisht që nuk do të jetë e fundit! 

Kur minimalizmi filloi të fitonte popullaritet, kishte të bënte me linja të pastra, struktura të thjeshta dhe një dizajn të thjeshtë me stil.

Sidoqoftë, arkitektet kanë ndërtuar një minimalizëm tjetër me më shumë kuptim që është i pastër, por funksional. Minimalizmi është më shumë se thjesht hapësira boshe, të hapura. Eshtë duke u zhvilluar vazhdimisht duke eksperimentuar  me rrezet e diellit, ngjyrat e natyrës e më shumë. 

Një dizajn minimal do t’ju pëlqej edhe në dimër, kur dita është me diell, dhe rrezet e tij do ju kujtojnë stinën e verës. 

3.Mbajeni neutrale

E bardha, fildishi, gri e zbehtë dhe bezhë janë ngjyra që zakonisht lidhen me shtëpitë verore të plazhit. Por, ngjyrat neutrale janë të bukura gjatë gjithë vitit, kjo është arsyeja pse ato janë një nga tendencat më të mëdha të arredimit për 2021.

Ajo që ndodh kur përdorimi ngjyra neutrale është se ato ju japin një sfond të shkëlqyeshëm për çfarëdo skeme ngjyrash në të cilën dëshironi të përdorni me kalimin e kohës. Kolltukët e bardhë dhe mbulesat e tejdukshme nuk dalin kurrë nga moda, dhe nuancat e errëta të ngjyrës gri dhe bezhë funksionojnë jashtëzakonisht mirë për dekorimin e dhomës së gjumit.

Nëse dëshironi të përfshini pak ngjyrë në dekorin tuaj, bëhet në mënyrë shumë të lehtë. Ajo çfarë ju duhet të bëni është shtoni dekoret si dhe vendosni jastëkë, batanije, qilima dhe vazo. Mobiljet tuaja neutrale do të bëjnë një punë të bukur për të siguruar sfondin për ato nuanca.

4.Guxoni

Ky trend aktual i arredimit po bën një rikthim të madh në verën e vitit 2021. Me gjithnjë e më shumë njerëz që zgjedhin një planimetri të tipit “open space” dhe dizajn minimal, popullariteti i njerëzve që vendosin të guxojnë me ngjyra të forta është rritur.

Kjo krijon një pikë fokale të shkëlqyeshme, duke shfaqur gjithashtu shijet tuaja të çuditshme. Mysafirët tuaj me siguri do të ndihen sikur ju njohin pak më mirë pas një vizite në shtëpinë tuaj. Shtoni disa ngjyra dhe dekore që bien në sy dhe lëreni që ajo të jetë fillimi i bisedës me familjen dhe miqtë.

5.Shtoni më shumë materiale natyrale

Kur bëhet fjalë për tendencat e arredimit veror, ky që do flasim tashmë është i përjetshëm! Kohët e fundit, njerëzit po bëhen të fiksuar pas të pasurit bimë në shtëpi.

Për fat të mirë, gjelbërimi është një pjesë e madhe e dekorit boho. Përfshirja e bimëve  në arredimin tuaj mund të ndryshojë jetën. Ne ju rekomandojmë të merrni bimë natyrale, përveç se në rastet kur doni të shkoni mbas çdo trendi, në këtë rast, bimët artificiale mund të jenë më të përshtatshme për nevojat tuaja.

Një bredh tingëllon më i përshtatshëm për dimrin sesa një bimë që gjelbëron vetëm në stinën e verës, apo jo? Duke qënë së bimët artificiale po përmirësohen çdo ditë në dukje, ju  mund të zgjidhni që të merrni vetem bimë artificiale në vend të atyre natyrale.

6.Përdorni copa të lehta 

Pëlhura të lehta dhe të ajrosura zakonisht përdoren në stinët kur mund t'i mbani dritaret hapur, por është e lehtë ti përdorni ato gjatë gjithë vitit. Mënyra më e lehtë për ta bërë këtë është duke përdorur perde dhe duke shtruar mbulesa. 

Për perdet, kërkoni pëlhura si pambuku, lino, mëndafshi të pastër, apo diçka të ngjashme për të marrë atë ndjenjën e freskise në shtëpinë tuaj, pavarësisht nga koha e vitit. Këtu është një këshillë. Asnjëherë nuk gaboni me perdet e tejdukshme. Ato bëjnë ajrosjen në një dhomë, duke e bërë atë të duket më e gjerë dhe pa rrëmujë.

7.Synoni për ngjyrat e drurit natyral

Drunjtë e palmave, kallami, kashta dhe drunj të tjetër me ngjyra të ngjashme mund të bëjnë që çdo hapësirë ​​të ndihet boheme dhe verore. Dekori Boho është i lidhur ngushtë me stinën e verës, por ne do ju tregojmë se si funksionon gjatë gjithë vitit.

Ngjyrat e lehta të këtyre elementeve natyrore sjellin elegancë pa peshën që zakonisht lidhet me pyjet më të thella dhe më të dendura. Kjo do të thotë që ju lehtë mund të përfshini një dizajn minimal në shtëpinë tuaj duke përdorur elementë më të lehtë prej druri si drunjtë prej palme kacavjerrëse ose kallamët dhe të ruani akoma atë ndjenjën e ajrosjes dhe të bollshme.

8.Lini dritën e diellit të hyjë 

Një nga pjesët më të mira të verës është drita natyrale që vjen në shtëpinë tuaj. Trendi më i rëndësishëm i arredimit  për vitin e ardhshëm janë shtëpitë me shumë dritë natyrale, kështu që arkitektet në mbarë botën e rekomandojnë atë.

Mund të jetë sfiduese për ta arritur këtë nëse jetoni me qera, por gjithmonë mund të maksimizoni dritën që vjen duke i mbajtur dritaret tuaja të hapura ose duke përdorur perde të tejdukshme.

Dritaret e mëdha ndihmojnë që gjithë dielli të futet brenda. Nëse jeni duke jetuar me qera, zgjidhni dritat që imitojnë rrezet e diellit për ta bërë shtëpinë tuaj të ndjehet komode.

Keni nevojë për inspirim? 

Eshtë shumë e lehtë që ti përshtateni këtyre arredimeve. Mund ta beni ju vet sipas dëshirës tuaj, apo të kërkoni ndihmën e profesionistëve. Ne ju keshillojmë të klikoni këtu për listën e bizneseve të regjistruar pranë Merrjep.al. Këto biznese do ju ndihmojnë në krijimin dhe arredimin e shtëpisë tuaj. Ndërsa nëse ju jeni person kreativ me dëshirën për ta arreduar vetë shtëpinë tuaj, atëhere ky link do ju ndihmojë për të gjetur mobiljet dhe çdo gjë tjetër që mund të keni nevojë për të krijuar arredim.